کاغذات نامزدگی ، پی ٹی آئی اہم سنگ میل عبور کر گئی

پی ٹی آئی نے 8 فروری 2024 کو ہونے والے آئندہ عام انتخابات میں حصہ لینے والے اپنے امیدواروں کی اکثریت کے لیے کاغذات نامزدگی جمع کرانے میں ایک اہم سنگ میل عبور کر لیا ہے۔کاغذات نامزدگی جمع کرانے والوں میں پی ٹی آئی کے بانی چیئرمین عمران خان ، شاہ محمود قریشی ، زین قریشی ، مہر بانو قریشی ، چوہدری پرویز الہی، علی امین گنڈا پور ، مونس الہی، ڈاکٹر یاسمین راشد، حماد اظہر، سینیٹر اعجاز چوہدری، میاں اسلم اقبال، تیمور ملک ، صنم جاوید اور شیخ امتیاز محمود شامل ہیں۔سپریم کورٹ اور الیکشن کمیشن کی واضح ہدایات کے باوجود تمام پی ٹی آئی امیدواروں کا راستہ غیر معمولی طور پر چیلنجنگ رہا ہے ۔پی ٹی آئی کے مختلف رہنماؤں نے کاغذات نامزدگی جمع کرانے کے دوران شکایات کا اظہار کرتے ہوئے ای سی پی اور نگران حکومتوں کو تنقید کانشانہ بنایا ۔