سینچورین ٹیسٹ میں شکست،پاکستان ٹیسٹ چیمپئن شپ میں 7ویں سے 8ویں نمبر پر چلا گیا

سنچورین (نمائندہ خصوصی)سینچورین ٹیسٹ میں شکست کے بعد پاکستان کی ٹیسٹ چیمپئن شپ پوائنٹس ٹیبل پر تنزلی ہو گئی ہے۔پاکستان ٹیسٹ چیمپئن شپ میں 7ویں سے 8ویں نمبر پر چلا گیا،پاکستانی ٹیم پوائنٹس ٹیبل پر بنگلہ دیش سے بھی نیچے چلی گئی۔جنوبی افریقا پہلے، آسٹریلیا دوسرے اور بھارت تیسرے نمبر پر ہے،نیوزی لینڈ چوتھے، سری لنکا پانچویں اور انگلینڈ چھٹے نمبر پر موجودہے۔بنگلہ دیش 7ویں، پاکستان 8ویں اور ویسٹ انڈیز 9ویں نمبر پر ہے۔پاکستان کیخلاف جیت کیساتھ ہی جنوبی افریقہ نیلارڈز میں شیڈول ورلڈ ٹیسٹ چمپیئن شپ کے فائنل میں پہلی دفعہ جگہ بنالی، دوسری ٹیم کے لیے ابھی دیگر سرفہرست ٹیموں کو سر دھڑ کی بازی لگانی ہوگی تاہم آسٹریلیا کو بھارت پر معمولی برتری حاصل ہے جبکہ نیوزی لینڈ اور سری لنکا بھی ان کے قریب ہیں۔