زونگ کے تحت اسلام آباد انٹرنیشنل ایئرپورٹ پر پاکستان کا پہلا 5G سہولت و سیلزکاؤنٹرقائم
اسلام آباد (زاہد یعقوب خواجہ): پاکستان میں ٹیکنالوجی سروس فراہم کرنے والی صف اول کی کمپنی زونگ نے اسلام آباد انٹرنیشنل ایئرپورٹ پر ملک کا پہلا مخصوص 5G کسٹمر فیسیلیٹیشن اینڈ سیلز کیوسک قائم کر کے انڈسٹری میں ایک نیا معیار قائم کر دیا ہے۔ یہ سنگ میل زونگ اور پاکستان ایئرپورٹس اتھارٹی (پی اے اے) کی مشترکہ کاوشوں کا نتیجہ ہے اور ہوائی اڈوں کے اندرونی انفراسٹرکچر کو جدید بنانے اور مسافروں کے لیے 5G کے لیے تیارسلوشنز متعارف کرانے کی جانب ایک اہم قدم ہے۔
جیسے جیسے نقل و حرکت اور ڈیجیٹل انحصار باہم مربوط ہو رہے ہیں، ہوائی اڈے انتہائی مصروف کنیکٹیویٹی زونز میں تبدیل ہو چکے ہیں جہاں ڈیجیٹل سروسز تک فوری رسائی اب ایک انتخاب نہیں بلکہ ضرورت بن چکی ہے۔ یہ اقدام نیکسٹ جنریشن کی کنیکٹیویٹی میں زونگ کی لیڈرشپ کا اظہار ہے اور پاکستان کے اہم ترین ٹرانزٹ سسٹمز میں 5G کے انضمام کی جانب ایک اہم پیش رفت ہے۔
زونگ سفر کے ایک اہم مرحلے، یعنی آمد سے حقیقی دنیا کی کنیکٹیویٹی میں منتقلی پر توجہ دے رہاہے۔لینڈ کرتے ساتھ ہی تیز رفتار سروسز تک فوری رسائی فراہم کر کے یہ یقینی بنایا جا رہا ہے کہ مسافر بغیر کسی رکاوٹ کے ضروری ڈیجیٹل ٹولز سے منسلک ہو سکیں، جن میں لینڈنگ کے فوراً بعد ریئل ٹائم کمیونیکیشن، نیویگیشن اور لاجسٹکس کے لیے تیز رفتار ڈیٹا کے ذریعے رائیڈ ہیلنگ اور ڈیجیٹل میپس، ڈیجیٹل پے منٹس شامل ہیں جو پاکستان کے ڈیجیٹل ایکوسسٹم میں بغیر رکاوٹ انضمام فراہم کرتی ہیں اور بروقت فیصلوں اور ٹرمینل میں ہموار آمد و رفت کے لیے آپریشنل فلو میں مدد دیتی ہیں۔زونگ اپنے آن گراؤنڈ فیسیلیٹیشن ماڈل کے ذریعے یہ تمام سہولیات فراہم کر رہا ہے، جہاں ضرورت کے وقت رفتار، اعتماد اور سہولت بروقت فراہم کی جاتی ہے۔
زونگ کے ہیڈ آف سیلز اینڈ ڈسٹری بیوشن، فہیم درانی نے کہاکہ،”ایئرپورٹس، اہم ڈیجیٹل ٹچ پوائنٹس ہوتے ہیں جہاں فوری اور قابلِ اعتماد کنیکٹیویٹی کی زیادہ ضرورت ہوتی ہے۔ یہ اقدام مسافروں کو آمد کے لمحے سے ہی پاکستان کے ڈیجیٹل ایکوسسٹم میں بغیر رکاوٹ شامل ہونے کے قابل بناتا ہے۔ اہم ٹرانزٹ مقامات پر اپنی موجودگی کو مضبوط بنا کر ہم وہاں کنیکٹیویٹی فراہم کر رہے ہیں جہاں اس کی طلب سب سے زیادہ فوری اور مؤثر ہوتی ہے۔
پاکستان ایئرپورٹس اتھارٹی کے ڈائریکٹر جنرل نے کہاکہ،”یہ پیش رفت پاکستان بھر میں ایئرپورٹ انفراسٹرکچر کو جدید بنانے اور ایوی ایشن ایکوسسٹم میں جدید ڈیجیٹل صلاحیتوں کے انضمام کی ہماری وسیع حکمت عملی کی عکاسی کرتی ہے۔ اسلام آباد انٹرنیشنل ایئرپورٹ پر اس نوعیت کی 5G تنصیب جیسے اقدامات اسمارٹ اور باہم مربوط ہوائی اڈوں کی تعمیر کی جانب ایک اہم قدم ہیں جو عالمی ہوابازی کے معیارات اور مستقبل کی ضروریات سے ہم آہنگ ہوں۔
اس 5G سے ہم آہنگ ایکوسسٹم کا قیام زونگ اور پاکستان ایئرپورٹس اتھارٹی کے درمیان مؤثر تعاون کا مظہر ہے، خصوصاً ڈائریکٹر جنرل پی اے اے، ڈپٹی ڈائریکٹر جنرل پی اے اے (ایئرپورٹس) ہیڈکوارٹر پی اے اے، اور ڈائریکٹر کمرشل اینڈ اسٹیٹ ہیڈکوارٹر پی اے اے کی ادارہ جاتی معاونت کے ساتھ، جبکہ اسلام آباد انٹرنیشنل ایئرپورٹ کے ایئرپورٹ منیجر (سی او او) اور سینئر جوائنٹ ڈائریکٹر کمرشل کی آن گراؤنڈ معاونت بھی اس میں شامل ہے۔
زونگ کی 5G حکمتِ عملی بہترین صارف تجربے، متنوع مصنوعات و خدمات کے پورٹ فولیو، اور مصنوعی ذہانت (اے آئی) کے استعمال پر مبنی ہے۔ اسلام آباد میں کامیاب تنصیب کے بعد، زونگ پاکستان ایئرپورٹس اتھارٹی کے تعاون سے اس اقدام کو دیگر بڑے ہوائی مراکز، بشمول لاہور اور کراچی تک وسعت دینے کا ارادہ رکھتا ہے، تاکہ پاکستان کی ڈیجیٹل تبدیلی کو مزید تیز کیا جا سکے اور اسے ایک مربوط اور مستقبل کے لیے تیار ملک کے طور پر مستحکم کیا جا سکے۔
