ملک کے نامور شاعر عبدالحمید عدم کا115واں یوم پیدائش 10اپریل کو منایا جائیگا

اسلام آباد (سید جاوید حسن شاہ) ملک کے نامور شاعر عبدالحمید عدم کا115واں یوم پیدائش 10اپریل کو منایا جائے گا اس سلسلے میں ملک بھر کے ادبی حلقوں میں عبدالحمید عدم کی ادبی خدمات کو خراج تحسین پیش کیا جائے گا۔عبدالحمید عدم10اپریل 1910ء کو ضلع گوجرانوالہ میں پیدا ہوئے ان کا شمارحفیظ جالندھری،جوش ملیح آبادی،اختر شیرانی جیسے نامور شعرا کی صف میں ہوتا ہے۔عبدالحمید عدم نے رومانی شاعری کی اور بے پناہ مقبول ہوئے ان کے درجنوں شعری مجموعے منظر عام پر آئے جن میںنگار خانہ،خرابات،چارہ درد،رم آہو قابل ذکر ہیں۔اردو زبان کے اس رومانوی شاعر نے10مارچ1981ء کو وفات پائی۔